Појавата на минимална количина на светло црвена крв во столицата
Појавата на свежа ректална крв обично е од бенигна природа, но во некои случаи може да биде симптом на посериозни состојби, како што е колоректалниот карцином.
Појавата на минимални количини на светло-црвена крв за време на дефекацијата најчесто се јавува повремено и подразбира појава на мала количина крв на тоалетната хартија по бришење или неколку капки крв во тоалетната школка по дефекацијата и мала количина крв на површината на столицата.
Причината за ова е лезијата во близина на самиот анален канал, но таа мора да се разликува од другите форми на крварење од дигестивниот систем, како што е мелената (појава на црна/катна столица што укажува на крварење од горниот дел на дигестивниот систем ) и појава на темноцрвена крв измешана со столицата (крварење од поблиските делови на дебелото црево или крварење од тенкото црево).
Појавата на свежа крв во столицата е обично бенигна (во приближно 90% од случаите), но во некои случаи може да биде симптом на посериозни состојби, како што е колоректален карцином.
Соодветната евалуација на пациент со појава на свежа крв во столицата мора да биде водена од ризикот од присуство на одредени болести кои можат да ја засноваат оваа појава кај индивидуален пациент.



